1-आमि पनः सदरस नावि छ्येस लमान
कति बोज़ि दय म्योन म्ये ति दियि तार
आम्यन टाक्यन पोन्य ज़न शमान ज़ुव छुम भ्रमान गरः गछ़ः हा ।

2-दोद क्याह ज़ान्यि येस नो बन्ये
गमऽक्य जामः हा वलिथ तन्ये
गरः गरः फीर॔स प्येयम कन्ये
ड्यून्ठुम नः काँह पनन्ये कन्ये ।

3-परान परान ज्य़ेव तः ताल फोजिम
च्य़ह यूगः क्रेय म्य तऽजिम नः ज़ान्ह
सुमिरन फिरान न्योठ तः ओन्गजि गज्यम
मनऽच्य दुय मालि च़जिम नः ज़ाँह ।

4--रावनः मन्ज़य रोवुम
राविथ अथि आयस भवसरय
असान तः गिन्दान सहज़य प्रोवुम
दपःनय कोरुम पानस सरय ।